Offside › Набрзинка

Предраг Мијатовиќ откри колкав е долгот на ФК Партизан до цент

23 декември 2024

Фудбалскиот клуб Партизан веќе неколку години едвај преживуваше со претходната управа која за еднодецениско владеење буквално го спушти клубот на многу ниски гранки. Во меѓувреме дојде нова управа во која најмногу се истакнува некогашниот европски шампион со Реал Мадрид, Предраг Мијатовиќ.
Новата управа донесе и новости (новости за овие простори) во управувањето, па отворено се разговара за секој проблем, па и за долговите кои со години беа најголема мистерија.
„Во јавноста има многу инсинуации, ќе бидам конкретен. Долгот на клубот е 53.128.000 (пеесет и три милиони и сто дваесет и осум илјади евра). Кон клубови, домашни и странски долгот е 7.250.628 евра, од кои кон домашните клубови 1.883.187 милиони. На играчите, тренерите и стручњаците за спорт им се должи 10.227.000 евра од што на поранешните првотимци, тренери и скаути 4.674.000 евра. На активните во моментов им се должи сиот преостанат дел од долгот. Долгот по основ на данок изнесува 22.487.000 евра, кон менаџерите 6,8 милиони евра а останатите обврски изнесуваат 1.472.000 евра.“, отворено кажал Мијатовиќ на завршната прес-конференција на Партизан.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор