Offside › Набрзинка

Предложен притвор за напаѓачот на деца во Штип, родител на фудбалер на Шкупи

25 август 2025

Во уште еден дивјачки напад поврзан со ФК Шкупи, во неделата родител на дете фудбалер на истоимениот клуб, на гостувањето во Штип кај Брегалница во натпревар од младинската лига, повредил две други деца од штипскиот клуб.
Полицијата интервенирала, напаѓачот бил приведен и за него сега е предложена мерка притвор до почеток на судењето.
Ова е веќе којзнае кој напад на лица поврзани со ФК или КК Шкупи врз противнички играчи, судии, присутни гледачи.

ФФМ: Ќе биде покрената дисциплинска постапка против ФК Шкупи и одговорните лица

Срамни сцени во младинскиот фудбал, родители нападнале деца

извор

Татко му на Белингем правел циркус во Дортмунд, избркан од соблекувална

25 август 2025

По натпреварот меѓу Борусија Дортмунд и Сент Паули кој заврши 3:3, таткото на фудбалерот Џоб Белингем (брат на Џуд) решил да се симне долу во соблекувалните и влегол во конфликт со спортскиот директор Себастијан Кел.
Сакал да зборува со тренерот Нико Ковач да го праша зошто го извадил син му од игра на полувреме, но не му дозволиле влез во соблекувалната на Борусија.
„Во иднина бидете сигурни дека само играчи, тренери и клупски работници ќе имаат пристап до просторот кај соблекувалната. Го потпишавме Џоб Белингем откако изградивме врска на доверба со неговите родители низ годиниве (Џуд таму се прослави пред да отиде во Реал Мадрид). Семејството допатува специјално за првиот бундеслигашки настап на синот. Стоеа во ходникот и имаа емотивен разговор со Себастијан, но нема проблем“, рекол Ларс Рикен, директор и легенда на Борусија Дортмунд.

извор

Време е Шкупи да биде набркан од македонскиот фудбал

25 август 2025

Поранешниот македонски шампион и клуб со традиција, Шкупи, во последните месеци стана исклучително проблематичен за македонскиот фудбал, клуб штетен за своите навивачи, но и општо за спортот во Македонија.
Низата на инциденти кои ги предизвикува многу веројатно дека ќе продолжи и понатаму доколку некој не им застане на патот и не ги исфрли од македонскиот фудбал. А веќе направија и повеќе од доволно за тоа да се случи, пишува Спорт1.
Кулминацијата на проблемите кои ги носи Шкупи се случи кога група родители на деца од овој клуб влегоа на терен во Штип и тепаа момчиња од екипата на Брегалница.

извор