Offside › Набрзинка

Познатиот кошаркар Радуљица оди во фудбал

19 септември 2025

Долгогодишниот српски репрезентативец, освојувач на неколку медали на европски и светски првенства и Олимписки игри и редовен учесник во еврокуповите со разни кошаркарски клубови, сега ја изненадил јавноста.
Мирослав Радуљица потпишал со ФК Железничар од градот Инѓија во Србија. Легендарниот кошаркар и самиот е роден и израснат во Инѓија и вели дека сака да се проба во фудбал.
Според договорот, целосните примања кои му следуваат според договор ќе бидат донирани на хуманитарна организација. Клубот ќе пушти и ограничена серија на дресови со број 21 и презимето Радуљица на грбот.
ФК Железничар игра во Српската лига Војводина која е трета хиерарскиски.
Радуљица во својата кошаркарска кариера играше за Партизан, Црвена звезда, Анадолу Ефес, Алба, Панатинаикос, Олимпија Милано, Минесота Тимбервулвс и Милвоки Бакс.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.

View this post on Instagram

A post shared by FIBA Basketball World Cup (@fibawc)

27 ноември 2025

По бурните реакции на навивачите кои не можеа да се помират со оставката на најтрофејниот европски кошаркарски тренер Обрадовиќ, извршниот и управниот одбор на Партизан решил да му пружи апсолутна поддршка на својот тренер да ја продолжи мисијата и му ја одбила оставката.
На предлог на претседателот на клубот Остоја Мијаиловиќ, едногласно е одбиена оставката на Обрадовиќ и клубот соопшти дека тој ужива нивна целосна доверба.