- Откако во неделата вечер се комплетираше основниот дел од најдобрата македонска кошаркарска лига, сега се веќе познати сите парови за првата фаза од доигрувањето за титулата.
- Се чини дека сезонава е најнеизвесна во последните години и дека секој секого може да победи. Ќе има многу интересни натпревари уште на почеток а и до крајот до последните борби за шампионскиот пехар.
- Доигрувањето почнува идниот викенд, ќе се игра до три победи, а првите две средби ќе се играат кај домаќинот, а потоа следуваат две евентуални средби кај другиот тим, со евентуална мајсторка. ПАРОВИ: (1) МЗТ Скопје - Феникс, (2) ТФТ - Чаир, (3) Работнички - Пелистер, (4) МКК Куманово - Кожув. Двојки за полуфинале: Победник 1 - Победник 4, Победник 2 - Победник 3.
- ФК Вардар денеска ја плати казната кон УЕФА во вредност од 250.000 евра.
- „Казната се однесува на неправилности, манипулации, фалсификати и незаконити дејствија направени од предходните сопственици, акционери и одбор на директори. Период пред летото 2024-та.
- Во сезоните 2021/22, 2022/23 и 2023/24 склучувани се незаконски двојни договори (пример: договорите со Блажевски и Глишиќ), исплаќани се пари од други сметки, недостасува сметководствена документација и дузина други неправилности наведени во образложението на казната од УЕФА“, стои во соопштението на клубот.
- Ракометарите на Вардар 1961 по четири години се враќаат во Лигата на шампионите на ЕХФ, а првиот натпревар во новата сезона ќе биде особено интересен. „Црвено-црните“ гостуваат кај Мелсунген во Касел, во натпреварот кој ќе се одигра во четврток од 20:45 часот (пренос Арена Спорт ТВ).
- Мелсунген, пак, за првпат во историјата ќе игра во елитното европско натпреварување, откако минатата сезона ја освои Европската лига и со тоа обезбеди место меѓу најдобрите.
- Интересно црвено-црните минатата сезона на два пати убедливо го совладаа Мелсунген кој подоцна го крена трофејот во Европската лига. Тогаш, според зборовите на тренерот Чупиќ Мелсунген имал неколку повредени ракометари и играл ослабнат а сега е голем фаворит како сила од Бундеслигата.
