Познат составот на Македонија, селекторот направи мало изненадување
11 ноември 2021
- Македонската фудбалска репрезентација од 18 часот на гости во Ереван против Ерменија го игра мечот од претпоследното коло во квалификациите за Светско првенство 2022 во Катар.
- По серијата откази поради повреди - Адеми, Николов, Јаховиќ и Ракип и суспендираниот Стефан Ристовски, селекторот Милевски беше принуден да направи неколку измени во селекцијата.
- Неочекуван стартер е Стефан Ашковски (29) од романскиот клуб Сепси. Ашковски игра како лев бек/лево крило. Во кариерата смени многу клубови и играше за Телеоптик, Партизан, Доњи Срем, Напредак, Стромсгодсет, Шкендија, Нови Пазар, Кајзери, Фортуна Ситард, Славија Софија, Ботошани и сега во Сепси. Кај претходниот селектор Игор Ангеловски не добиваше шанси. Вечерва во Ереван е предвиден на лево крило а зад него ќе игра Алиоски како бек.
- Вечерва против Ерменија, во белата гостинска гарнитура ќе стартуваат: Столе Димитриевски, Дарко Велковски, Висар Муслиу, Еџзјан Алиоски, Тихомир Костадинов, Елиф Елмас, Енис Барди, Стефан Ашковски, Дарко Чурлинов, Александар Трајковски и Милан Ристовски.
- Капитен ќе биде Енис Барди кој по заминувањето во пензија на Горан Пандев, е лидер на селекцијата.
- Во нашата група Македонија и Ерменија имаат по 12 бода, а пред нас со само бод повеќе е Романија која вечерва од 20:45 игра против Исланд. Потребен ни е триумф на Исланѓаните или реми во Букурешт за со евентуална победа во Ерменија да бидеме втори на коло пред крајот.
- Судиите доаѓаат од Шпанија, на чело со главниот арбитар Хозе Марија Санчез.
