- Милан одигра 1-1 против Рома во дербито на колото во Серија А и продолжи со мизерните резултати целосно соодветни за општата состојба во клубот. Навивачите во текот на мечот скандираа против првиот човек на клубот Кардинале и бараа негова оставка и да ги продаде акциите во клубот.
- Тренерот Пауло Фонсека беше исклучен со црвен картон уште во првиот дел во 43' минута поради протести. Управата соопшти после мечот дека Фонсека не е повеќе тренер а и тој самиот најави од кола на излез од стадионот. Негов сонародник е нов тренер на Милан.
- Серџо Консеисао кој долги години со голем успех го водеше Порто веќе е во Милано и ќе седне на клупата на росонерите. Дебито ќе го има против еден од своите синови кои игра за Јувентус, Франсиско Консеисао. Серџо наводно ќе добие шест-месечен договор вреден милион ипол евра со опција за продолжување на подолг рок ако екипата прикаже добри резултати.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
