Offside › Набрзинка

Последен настап на Кире Лазаров и Миркуловски, супер премија за пласман на Светско

11 април 2022

Ракометната федерација на Македонија најави премија од 50.000 евра кои ракометарите и стручниот штаб би ги поделиле меѓу себе во случај да ја совладаат Чешка во двомечот и да се пласираат на уште едно Светско првенство.
Натпреварите против стариот познаник се во среда (на гости во Злин) и недела (во Скопје). Победникот во вкупен резултат ќе се пласира на Светско првенство 2023 година.
Одлуката за премии била донесена едногласно од членовите на Управниот одбор на РФМ. Натпреварот во недела ќе биде последен во националниот тим за легендите, селекторот Кире Лазаров и за Филип Миркуловски кои веќе нема да играат но ќе останат во стручниот штаб да ги водат младите момци.

20 мај 2025

Јирген Клоп сензационално се поврзува со нова тренерска работа во италијанската престолнина.
Угледниот италијански весник Ла Стампа тврди дека легендарниот стратег на Ливерпул, во неделата на 18 мај во 22:57 часот му дал согласност на претседателот на Рома, Ден Фридкин.
Се зборува за голема револуција во составот, кој ќе претрпи бројни промени, а советник на Клоп ќе му биде токму Раниери.
Клоп лани се повлече од тренерската улога и стана координатор на клубовите на Ред Бул.

20 мај 2025

Утрово изненадувачка вест стигнува од Фудбалскиот сојуз на Србија кој до српските медиуми пласирал вест дека репрезентацијата на нашиот северен сосед ќе ја пречека велесилата Англија на новиот стадион во Лесковац.
Интересно стадионот „Дубочица“ има капацитет од само 8.000 гледачи. За разлика од белградските стадиони „Рајко Митиќ“ и стадионот „ЈНА“ кои редовно се полу-празни кога на нив игра српската репрезентација, стадионот во Лесковац секогаш е преполн до последно место.
Натпреварот Србија - Англија во рамки од квалификациите за Светско првенство 2026 е закажан за 7-ми септември. Претходно селекторот Драган Стојковиќ и Србија ги чека исклучително тешко гостување во Тирана против Албанија на почетокот на месец јуни.