Offside › Набрзинка

Пола Европа го бара 18-годишниот бисер на Босна и Херцеговина

3 април 2026

Керим Алајбеговиќ штотуку наполни 18 години пред неколку месеци а веќе израсна во јунак на репрезентацијата на Босна и Херцеговина. Тој прво со асистенции намести три клучни гола во квалификациите против Кипар и Романија а после и во полуфиналето од баражот против Велс кога му намести гол на Џеко од корнер.
На пеналите со Велс шутираше ладнокрвно а исто така беше ладен и во финалето на баражот со Италија во Зеница на меч на кој влезе од клупата исто како во Велс, постигна решавачки гол за пласман на Светско првенство.
Керим Алајбеговиќ е лево крило, крилен напаѓач. Игра за Баер Леверкузен за кого сезонава има 11 гола и 3 асистенции на 36 натпревари. Во Леверкузен дојде од австриски Салцбург. Роден е во Келн, во Германија каде раснел а неговата вредност се проценува на 15-20 милиони евра.
Баер Леверкузен веќе добил понуди за него од Лацио и од Рома, а веќе се јавиле и големи шпански, англиски клубови како и Бенфика и Спортинг Лисабон.

извор

Неста: Син ми никогаш не ја гледал Италија на Светско, а има скоро 18 години

29 јули 2026

Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
„Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.

извор

Гибралтар, Сан Марино и Македонија, тие сме

29 јули 2026

На рангирањето на УЕФА, Македонија е во група од седум земји кои моментално останаа само со еден претставник во Европа.
Македонскиот фудбал на клупски план моментно е во ранг со земји како Лихтенштајн, Малта, Гибралтар, Црна Гора, Велс и Сан Марино.
Вардар испадна од Рига, а Силекс од Динамо Минск во квалификациите за Конференциска лига. Само Шкендија уште е во игра на меѓународна сцена. В четврток во Скопје ќе играат реванш дуел против Браво од Словенија, кој има предност од 2:1 од првиот дуел.

извор