Offside › Набрзинка

Пешиќ се повлекува

13 септември 2025

Светислав Пешиќ одлучи да си замине од селектороската позиција, после елиминацијата на Србија во осминафиналето на Евробаскетот од Финска. Тоа го соопшти во интервју за „Политика“.
„Дојде време да се најде нов тренер кој ќе може да го продолжи она што го започнавме. Му ветив на Човиќ дека ќе ја исполнам улогата што ми ја додели во изборот на новиот тренер до крај“, рече Пешиќ.
Договорот му истекува на 30 септември, а по тој датум Орлите треба да го дознаат името на новиот селектор, кој ќе ја има својата прва задача во квалификациите за СП против Швајцарија и Босна и Херцеговина на крајот на ноември.
Пешиќ стана селектор на Србија во 2021 година, освои бронза на Олимписките игри и сребро на Светското првенство. Со Југославија стана светски (2001) и европски првак (2002), а во 1993-та освои Европско со Германија.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.

View this post on Instagram

A post shared by FIBA Basketball World Cup (@fibawc)

27 ноември 2025

По бурните реакции на навивачите кои не можеа да се помират со оставката на најтрофејниот европски кошаркарски тренер Обрадовиќ, извршниот и управниот одбор на Партизан решил да му пружи апсолутна поддршка на својот тренер да ја продолжи мисијата и му ја одбила оставката.
На предлог на претседателот на клубот Остоја Мијаиловиќ, едногласно е одбиена оставката на Обрадовиќ и клубот соопшти дека тој ужива нивна целосна доверба.