- Српската јавност е шокирана откако селекторот на кошаркарската репрезентација, легендарниот Светислав Кари Пешиќ се реши на само неколку дена по стартот на подготовките за Европско првенство да го прецрта Милош Теодосиќ.
- Најдобриот играч во Еврокупот за изминатите две сезони кој освои две МВП награди по ред, веќе 10-ина години беше лидер на репрезентацијата на Србија која се надеваше дека конечно ќе има полн состав откако дојде и Никола Јокиќ од НБА.
- Најдобриот светски фудбалер за 1995-та и легенда на Милан, Жорж Веа во 2000-та на залез на својата кариера потпиша договор со Олимпик Марсеј. Сега 25 години подоцна потпис на договор со славниот француски клуб стави и син му Тимоти Веа кој настапува за САД.
- Интересно францускиот магазин Onze тогаш го ставил Жорж Веа на насловна страна, а сега и син му, во ист дрес, со иста гестикулација.
- Шаховскиот клуб Алкалоид во последното, 7. коло од Екипното првенство на Македонија со нерешен резултат 3:3 успеа да ја освои 27-та титула во клупската историја, а 13-та во низа.
- Најтрофејниот шаховски колектив на Македонија на крајот ја затвора сезоната на прво место со 13 бода (6 победи, 1 нерешена), а ШК Мулти Есенс е втор со 12 бода на крајот (5 победи и 2 нерешени меча). Обете екипи се непоразени во првенството.
- За првакот Алкалоид играа интернационалците ВМ Александар Инѓиќ (актуелен европски шампион) и ВМ Велимир Ивиќ на првите две табли. Настапија уште и ИМ Филип Панчевски, ИМ Емил Ристески, ИМ Тони Лазов, ВМ Трајко Недев, ВМ Звонко Станојкоски и ВМ Драгољуб Јачимовиќ. Алкалоид доминира во македонскиот шах зошто титулата во женска конкуренција ја освои женскиот тим на Алкалоид предводена од ИМ Лела Јавакишвили и ВМ Бела Котенашвили, ЖИМ Габриела Коскоска, ЖФМ Моника Стојковска, ЖФМ Моника Жежовска и Леа Ефтовска.
