- Со 40 гласови „за“ и еден „против“, трикратниот европски првак е реизбран за претседател на кошаркарската федерација во следните четири години.
- Како предводник на мак баскетот, Антиќ дојде во 2019 година кога го наследи Петар Наумоски, а и тогаш и сега немаше противкандидати.
- Во неговиот прв мандат сменети се четири селектори на сениорскиот национален тим: Јорданчо Давитков, Александар Тодоров, Драган Бајиќ, а сега селекцијата ја води Александар Јончевски.
- Најави нов генерален спонзор на лигата кој се очекува да се официјализира за три дена. Завршната сметка на КФМ за 2022-ра ја имате тука.
- Во самиот финиш од мечот Романија - Косово во Лига на Нации, гостинските фудбалери во 90' минута кога сфатија дека немаат веќе шанса за прво место за кое им требаше победа од најмалку три гола разлика, при резултат 0-0 решија да го напуштат теренот поради тоа што домашните навивачи им скандирале „Косово е Србија“.
- УЕФА неколку дена го разгледуваше случајот, а на крајот пресуди Романија службено да го добие мечот со победа од 3:0. Косовскиот фудбалски сојуз е казнет и со 6.000 евра парична казна поради тоа што репрезентативците ги одбивале повиците на делегатот да се вратат на теренот и да го довршат мечот.
- Романија ќе мора да плати 128.000 евра и еден меч ќе мора да игра без присуство на публика поради односот на своите навивачи.
- Легендарниот грчки трофеен кошаркар Василис Спанулис ќе биде нов тренер на Монако откако овој евролигаш се збогуваше со досегашниот тренер Саша Обрадовиќ.
- Прославениот кошаркар на Олимпијакос пред неколку години ја заврши кариерата а во 2022-ра навлезе во тренерските води и седна на клупата на грчкиот прволигаш Перистери. Одличните игри и резултати на овој тим го препорачаа да стане нов грчки селектор во 2023-та..
- Монако кој играше на Фајнал Фор во 2023-та, во моментов е на 9-то место во Евролига со учинок од 6 победи и 4 порази.
