Offside › Набрзинка

Пех за Србија, Богдановиќ веројатно го заврши Европското

31 август 2025

По настапот против Естонија во прво коло и 15-те минути одиграни против Пуртугалија, Богдан Богдановиќ нема да може да ги продолжи настапите на Европското првенство.
Медиан спорт пишува дека тој има руптура на мускулот на задната ложа, повреда која не е наивна.
Србија стартуваше со 3 од 3, откако синоќа ја совлада Летонија 84:80, без капитенот кој им е една од најјаките карики во тимот.

МВП изданието на Јокиќ против Летонија

извор

Кими Антонели победи на Ф1 трка во Јапонија и стана најмлад лидер во историјата

29 март 2026

Возачот на Мерцедес, Италијанецот Кими Антонели (19) е победник на трката за Големата награда на Јапонија, трета овосезонска трка од шампионатот Формула 1.
Младиот Италијанец роден во Болоња, на легендарната патека „Сузука“ ја прослави втората победа по ред откако славеше на претходната трка во Кина. Антонели победи со десетина секунди предност во однос на Оскар Пјастри од Мекларен, а на трето место заврши Шарл Леклер од Ферари.
Антонели сега стана најмлад лидер во историјата на Ф1, на возраст од само 19 години и 216 дена. Претходниот рекорд го држеше Луис Хамилтон од Ферари кој во 2007-ма како возач на Мекларен беше прв во генералниот пласман на само 22 години и 126 дена. Тогаш на крајот од сезоната Хамилтон заврши втор но од 2008-ма ја започна трофејната берба.
Трката во Јапонија ја одбележа тежок и страшен судар на возачот на Хас, Оливер Берман. Младиот Британец изгуби контрола над болидот и излета од патеката, прелета неколку метри и удри во заштитната ограда. За среќа возачот на Хас минал без посериозни повреди.

извор

Претседател на македонски клуб уапсен во Турција поради шверц на злато

28 март 2026

Турските медиуми објавија голем скандал со претседател на македонски прволигаш, вмешан во криумчарење на злато.
Лицето Б.Х. било уапсено од страна на полицијата на патот меѓу градовите Батман и Сиирт на 24 март.
Полицијата во возилото на претседателот на екипата од Првата македонска фудбалска лига открила злато со тежина од два килограми и 581 грам, кое е проценето на 300.000 евра.

извор