- Вечерва во белградска „Арена“ се спрема голем спектакл. Партизан го пречекува грчки Олимпијакос во 32. коло од Евролига и единствено со триумф ќе ги сочува пристојните шанси за пласман во плеј-ин како разигрување за плејофот.
- Познато е дека натпреварите на Партизан и Црвена звезда се магнет за многу луѓе од светот поради неверојатната атмосфера на нивните натпревари. Овојпат гости ќе им бидат и прославените кошаркари Тони Кукоч и Дино Раѓа.
- Во Белград ќе има и премиера на документарецот за Кукоч од босанскиот коментатор Сабахудин Топалбечиревиќ. „Неколку пати напоменав дека Партизан на градот Белград му носи многу приходи од ноќевања, сместување и друго од странците“, пред неколку дена изјави Жељко Обрадовиќ кој додаде дека му е исклучително драго што ќе има шанса да ги нагости Кукоч и Раѓа „со кои играл во репрезентацијата и против кои играл како играч на Партизан додека тие биле во Југопластика“.
- Карло Анчелоти, творецот на многу шампионски успеси на Реал Мадрид, се наоѓа под голем притисок и најверојатно ќе замине од клубот уште на крајот од мај и почетокот на јуни, пренесува Скај Спорт. Анчелоти би можел да биде и нов селектор на Бразил кој долги години го сонува Италијанецот на клупата.
- Реал Мадрид испадна во четвртфинале на Лига на шампиони по два порази од Арсенал (3-0 и 1-2). Во Ла Лига заостанува бодовно зад најголемиот ривал Барселона против која игра и во финале на шпанскито кралски Куп на 26-ти април.
- Барселона и Реал Мадрид ќе играат „ел класико“ и на 11-ти мај во Барселона кога може да се реши прашањето на шампионот.
- Годинава повторно се поклопуваат датумите за прослава на најголемиот христијански празник, па така на 20-ти април Велигден ќе го слават и католиците и правослвните Христијани.
- Раководството на италијанската Серија А реши да ја прекине традицијата која траеше 47 години, на Велигденски празници да нема никаков фудбал.
- Последен пат за Велигден фудбал се играл во Серија А во далечната 1978-ма година, на 26-ти март кога на терен истрчале сите 20 екипи од италијанската лига.
- Изминативе години имало два исклучоци, Перуџа - Интер (11 април 2004-та) и Реџина - Удинезе (12-ти април 2009) се играле на најголемиот празник и предизвикале големи полемики во италијанското друштво и пред се католичката црква.
- Викендов ќе се играат и шпанска Ла Лига, германска Бундеслига, англиска Премиер лига, хрватска ХНЛ и други првенства кои не планираат да сопрат ниту за најголемиот верски празник.
