Offside › Набрзинка

Пандев: Се забавувавме и игравме како браќа, ни беше чест

28 април 2025

„Кога се случи трагедија им се обратив на моите пријатели Пандев и Хаџиевски и не им требаше многу време да ми кажат да. Благодарност за сите кои помогнаа во организацијата. Знаеме колку е тешко и нема да ги вратите животите на тие млади луѓе, но должиме едно внимание кон моите пријатели, моите семејни пријатели, моите браќа“, изјави Христо Стоичков
„Не се собравме за убав повод, но благодарам на фондацијата за организацијата на натпреварот. Ова беше големо шоу, интересен натпревар, за мене беше голема чест да бидам меѓу такви ѕвезди. Се надевам дека никаде во светот нема да има потреба да се организираат натпревари со ваков повод“, рече Дарко Тасевски, кој по крајот на кариерата живее и работи во Бугарија.
„Сакам од името на Македонија, од името на претседателот на ФФМ да ви се заблагодарам. Прво на најголемиот, Христо Стоичков, па на сите останати за прекрасната организација. За нас беше чест да играме со најдобрата генерација на бугарскиот фудбал. Се надевам дека ќе ни бидете гости во Македонија, да можеме да се оддолжиме. Се забавувавме, игравме како браќа и беше одлично искуство за сите нас. Ни се случи голема трагедија, никогаш повеќе тоа да не се повтори. Со оваа иницијатива сакаме да помогнеме, затоа што спортот е најголем амбасадор“, рече Пандев.

Македонија ја победи Бугарија на хуманитарниот меч за Кочани, гол и асистенција на Пандев

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор