- Строгата нова политика веројатно ќе им забрани на трансродовите спортисти да се натпреваруваат на Олимписките игри, откако е направен научен преглед на доказите.
- Др. Џејн Торнтон, медицински и научен директор на комитетот, поднел извештај до членовите на МОК, со научни докази дека постојат физички предности од раѓањето како маж, кои остануваат дури и по намалувањето на нивоата на тестостерон.
- Атлетиката и пливањето се забранети за трансродовите спортисти, но некои спортови како фудбалот им дозволуваат учество сè додека тие преземат мерки за намалување на нивото на тестостерон.
- Лорел Хабард од Нов Зеланд, стана првата трансродова жена што се натпреваруваше на Олимписките игри во 2021 година, но без успех во кревање тегови во категоријата за жени +87 кг.
- Најголемо медиумско внимание предизвикаа боксер(к)ите Имане Келиф и Лин Ју-Тинг, кои освоија контроверзни златни медали на Олимписките игри во Париз минатата година и покрај тоа што наводно не ги исполниле критериумите за подобност за пол на Светското првенство во бокс.
- Лени Вилкинс, кој почина на 88 години, влезе во Кошаркарската куќа на славните како играч и тренер и член на Дрим тимот од 1992 година, како асистент тренер.
- Беше синоним за елеганција и достоинство на теренот и на клупата. Водеше од клупата дури 2.487 НБА натпревари, што и понатаму останува рекорд, а влезе во историјата и како прв тренер со над 1.000 победи. До пензија стигна до 1.332.
- Најпознат е по освојувањето на титулата со Сиетл во 1979 година, триумф што го направи вечна легенда на тој град, а во 1994 година, беше прогласен за тренер на годината
- Ја предводеше репрезентацијата на САД до злато на Олимписките игри во Атланта во 1996 година.
- Ждрепката за плејоф натпреварите за пласман на Светското првенство во САД, ќе се одржи на 20 ноември во Цирих, со почеток во 13 часот, соопшти ФИФА.
- 16 репрезентации поделени во четири секции ќе играат во европскиот плејоф. 12 второпласирани од квалификациските групи плус 4 победници од групите во Лига на нации.
- Ќе се играат четири турнири во периодот 23-31 март, со полуфинале и финале, а само победниците ќе одат на СП.
- Македонија е блиску до место во баражот преку Ј групата. Ако на 18 ноември загуби од Велс на гости, тогаш во плејоф ќе оди преку Лига на нации.
