- Повеќекратниот англиски и европски шампион Ливерпул успешно ја започна новата сезона во страшно конкурентната Премиер лига. Предводени од новиот тренер Холанѓанецот Арне Слот, црвените лесно славеа 0-2 кај Ипсвич на гости со головите на Диого Жота во 60’ и Мохамед Салах во 65’ минута.
- Ливерпул и натаму е единствениот клуб од дури 132 клуба во Топ7 лигите во Европа кој нема ниту ЕДЕН единствен трансфер летово. Тимот од „Енфилд Роуд“ е ист како лани, а управата има уште две недели да донесе некое капитално засилување.
- Единствениот обид за трансфер летово им бил Баскиецот Мартин Зубименди од Реал Сосиедад кој испаднал јунак меѓу навивачите откако решил да одбие селидба во Ливерпул и сакал да остане дома.
- Само неколку дена по тешките инциденти во Кавадарци каде навивачи и официјални лица на фудбалскиот клуб Тиквеш мртви-ладни физички нападнаа официјални лица на Вардар па со предмет го погодија и помошникот судија (ФФМ им изрече блага казна да не играат на домашен терен), сега нов циркус во Неготино.
- По натпреварот од втора лига меѓу Вардар Неготино и Охрид Лихнидос, гостинскиот голман Андов бил нападнат и удрен од неофицијално лице кое упаднало на теренот без никаков проблем.
- „По завршување на мечот нашиот голман како и уште неколку наши фудбалери беа физички нападнати од неофицијални лица на теренот. Исто така и минатата сезона бевме сведоци на слични случувања во Неготино но немаше реакција од наша страна. Бараме сега реакција од одговорните лица во федерацијата“, стои во соопштението на Охрид Лихнидос.
Фото: epaimages
- Триесет и четири годишниот полски голман Војчех Шчесни на крајот од август објави дека се повлекува од активното играње фудбал и дека оди во пензија. Оваа одлука беше несфатлива за многу навивачи на Јувентус ако се знае дека токму Полјакот беше еден од најдобрите во тимот во изминатите години.
- Јувентус го доведе 25-годишниот голман на Монца Микеле Ди Грегорио, тука одамна е и резервниот голман Матија Перин па Шчесни реши да се повлече. Го поврзуваа со Саудиска Арабија но на крај тој соопшти дека сака малку да ужива со семејството.
- Во меѓувреме се повреди првиот голман на Барселона Андре тер Штеген којшто ќе отсустува до крајот на сезоната. Барса веќе ги регистрира сите играчи за Лига на шампиони до јануари, а за домашните натпреварувања ќе може да смета на нов голман кој би дошол како слободен агент. Изборот паднал токму на Шчесни кој се очекува да се врати меѓу стативите затоа што повик од таков гигант доаѓа еднаш во живот.