Offside › Набрзинка

Објавен распоредот за новата сезона во Премиер, Тен Хаг ќе дебитира на „Олд Трафорд“

16 јуни 2022

Премиер лигата ги објави датумите за новата сезона која ќе има зимска пауза од 12-13 ноември до 26 декември поради Светското првенство.
Првиот меч на сезоната е на 5 август кога завеса ќе кренат Кристал Палас и Арсенал. Ливерпул отвора кај новиот премиерлигаш Фулам а Нотингем Форест кој се врати во елитата после 1999-та година во првото коло ќе игра на гости кај Њукасл. Манчестер Јунајтед со новиот тренер Ерик Тен Хаг ќе се сретне во 1. коло со Брајтон на „Олд Трафорд“.
Сезоната е предвидено да заврши на 28 мај 2023-та.

20 мај 2025

Јирген Клоп сензационално се поврзува со нова тренерска работа во италијанската престолнина.
Угледниот италијански весник Ла Стампа тврди дека легендарниот стратег на Ливерпул, во неделата на 18 мај во 22:57 часот му дал согласност на претседателот на Рома, Ден Фридкин.
Се зборува за голема револуција во составот, кој ќе претрпи бројни промени, а советник на Клоп ќе му биде токму Раниери.
Клоп лани се повлече од тренерската улога и стана координатор на клубовите на Ред Бул.

20 мај 2025

Утрово изненадувачка вест стигнува од Фудбалскиот сојуз на Србија кој до српските медиуми пласирал вест дека репрезентацијата на нашиот северен сосед ќе ја пречека велесилата Англија на новиот стадион во Лесковац.
Интересно стадионот „Дубочица“ има капацитет од само 8.000 гледачи. За разлика од белградските стадиони „Рајко Митиќ“ и стадионот „ЈНА“ кои редовно се полу-празни кога на нив игра српската репрезентација, стадионот во Лесковац секогаш е преполн до последно место.
Натпреварот Србија - Англија во рамки од квалификациите за Светско првенство 2026 е закажан за 7-ми септември. Претходно селекторот Драган Стојковиќ и Србија ги чека исклучително тешко гостување во Тирана против Албанија на почетокот на месец јуни.