- Тимот „Wheelchair Basketball Macedonia“ е дефинитивно инспирација на денот во кој членуваат 13 луѓе со телесен инвалидитет кои во колички играат кошарка.
- Тренираат два пати неделно во салата „Јане Сандански“, доаѓаат и од други градови и целат да формираат и репрезентација.
- Ги води тренерот Саша Димитријевиќ со поддршка на Бранко Крстевски како кондиционен тренер, а веќе одат и на меѓународни тренинзи.
- Една количка чини од 4.000 до 8.000 евра. 70-80% од нив ги добиле како донација од Србија.
- Селекторот на македонската ракометна репрезентација, Кире Лазаров, го објави списокот на ракометари за претстојната ЕХФ недела. Ќе смета на 20 ракометари, а дополнително повика и седум резерви.
- Повик доби Дејан Манасков, кој игра во одлична форма во дресот на Еурофарм Пелистер, а место има и за Филип Талески, но тој се најде меѓу резервните ракометари со Милан Лазаревски, Марко Митев, Никола Костески, Петар Атанасијевиќ, Никола Маркоски и Томислав Јагуриновски.
- Македонија ќе игра две пријателски средби со Јапонија на 30 октомври и 1 ноември.
- Шпанските медиуми пренесуваат чудна и несфатлива вест во пресрет на дуелот меѓу Арсенал и Атлетико Мадрид од 3. коло од ЛШ.
- Фудбалерите на шпанскиот тим после синоќешниот тренинг не можеле да се истушираат, бидејќи на Емирати немало топла вода.
- Биле принудени испотени да го напуштат Емирати и се пожалиле во УЕФА дека добиле несоодветен третман од страна на домаќините.
