Offside › Набрзинка

Нов сребрен медал за Дејан Георгиевски

23 февруари 2022

Нашиот спортски херој кој за прв пат во историјата и донесе на Македонија сребро на едни Олимписки игри минатото лето, имаше нов успешен настап во теквондо.
На престижниот Президент Куп во Драч, Албанија, Георгиевски одновно го освои сребрениот медал во својата категорија до 87 килограми, а во финале повторно се судри со Русинот Владимир Ларин, како реприза од Токио.
На патот до финалето ги совлада Ангелопулос од Грција, Ел Џазиди од Франција и Хели од САД.
Овој успех му носи важни 12 бода на табелата во светската ранг-листа, кои се исклучително важни за мисијата на Георгиевски, а тоа е норма за Олимписките игри во Париз 2024.

АМС му го зголеми ваучерот на олимпискиот медалист Георгиевски

извор

Барселона го претстави првото скапо летно засилување

30 мај 2026

Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
Напаѓачот доаѓа како замена за Рашфорд и Левандовски кои заминуваат од Барселона.
Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.

извор

Со овации испратен во пензија највозрасниот ракометар во Македонија

28 мај 2026

45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
Искусниот голман го одигра последниот натпревар во својата неверојатно долга кариера која ја започнал во 1997-ма година.
Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.

извор