Фото: Epa Images
- По капитенот на Србија и кошаркар на ЛА Клиперс Богдан Богдановиќ кој поради повреда го заврши Евро 2025 уште на почеток, сега поради повреда од игра отпаѓа и лидерот на Литванија Рокас Јокубаитис.
- 24-годишниот врвен плејмејкер кој требаше да ја води Литванија до самата завршница, на мечот против Финска ги повредил предните вкрстени лигаменти и менискусот на левото колено при еден дуел и пад.
- Јокубаитис веќе го напуштил репрезентативниот камп и заминал во Минхен каде во неговиот клуб Баерн го чекаат детални прегледи, анализи и операција. Тој го облече дресот на Баварците пред самиот почеток на Европското кога дојде од Макаби Тел Авив.
- Беше најдобар играч досега на Европското за Литванија со 17,3 поени во просек (55,6% за три поени), 2,5 скока во просек по натпревар и 8,5 асистенции.
- Пред натпреварот Ница - Рома (1-2) од 1. коло во Лига Европа, француската полиција осуетила и привела повеќе од 100 навивачи на Рома меѓу кои нашле арсенал студено оружје, палки, метални шипки, боксувачи, димни бомби и др.
- 28 навивачи од Рим по брза судска постапка биле осудени на минимум 2-месеци затвор во Ница и таму ќе останат најмалку до крајот на ноември. На оние кои се ресидивисти, односно кои го повториле делото и биле учесници во инциденти и нереди на натпреварите против Тотенхем, Билбао и Сервет, им се заканува и затворска казна до 5 години. Обвинителството во Ница им ги одбило барањата за депортација. Останатите 89 биле депортирани назад во Италија на нивен трошок.
- Рома победи 1-2 со головите на двајцата стопери Еван Ндика и Џанлука Манчини.
- Како што беше објавено веднаш по трагедијата, Ливерпул остана на зборот и целосно го исплати преостанатиот дел од договорот на семејството на Диого Жота.
- Португалецот имаше уште две сезони договор со клубот од Енфилд. Потврдата стигна од Арне Слот.
- „Неколку пати повторив колку бев горд на реакцијата на навивачите во тие денови. Сопствениците се претежно оние кои критикуваат, како и тренерите. Но, начинот на кој се справија со целата оваа ситуација... Тие им ги исплатија на сопругата и децата на Диого сите пари од договорот. Можеби луѓето мислат дека тоа е нормално, но тоа не е нормално во фудбалот“, рече тренерот на Ливерпул.
- Ливерпул, исто така, направија нешто што никогаш порано не го направие. Го повлекоа бројот 20 во сите младински категории и во првиот тим.
