- Македонската кошаркарска репрезентација нема да игра во квалификациите за пласман на СП 2027, откако го претрпе и третиот претквалификациски пораз во исто толку натпревари, овој пат на гостински терен од Романија (66-79).
- Македонија сега има скор 0-3, Романија има 3-0, а Унгарија 1-1, што значи дека само со луда теорија може да дојде до едно од првите две места во групата.
- Унгарија треба да загуби дома од Романија, а ние да ги победиме Унгарците во Кале со најмалку 38 поени разлика.
- Македонската ракометна репрезентација за утре го планира патувањето во Пореч каде ќе ги продолжи подготовките за Европско првенство 2026 кое се игра во јануари.
- Селекторот Лазаров беше принуден поради повреда да го замени Валентин Карсманакис, ракометарот на Алкалоид со Никола Маркоски. Ова е прво откажување на играч пред Европското.
- Македонија во недела ќе тестира против Хрватска, а пред Европското ја чекаат пријателски натпревари со Бахреин, Украина и Швајцарија.
- Некогашниот репрезентативен стопер со 65 настапи за Македонија и клупска легенда на германски Мајнц 05, а сега раководител на скаутинг службата при ФФМ, Николче Новески се надоврза на дискусијата која веќе неколку денови ја збуни македонската јавност.
- Новески во нешто помирен тон за разлика од неговите колеги и поранешниот селектор, кажа мислење на темата:
- „Мислам дека е времe за нови лица и создавање на нови стручни кадри во фудбалот. Секој треба да добие шанса, а времето ке покаже дали е оправдана довербата. Македонскиот фудбал и репрезентацијата не смеат да бидат заложници на поединец, особено не на човек кај кого личната суета и карактерот излегуваат во преден план.
- Во ваков момент ни треба целосна поддршка за репрезентацијата, ангажираност и сплотеност од сите што ѝ мислат добро, а не обиди за самопромоција и поделби. Репрезентацијата е над секое име и над секој поединечен интерес. Лични битки и фрустрации не ѝ носат ништо добро на Македонија”.
