- Дваесет и две годишниот европски шампион со Шпанија и еден од најдобрите крилни напаѓачи во шпанскиот фудбал, Нико Вилијамс од Атлетик Билбао отворено и кажал на управата дека сака трансфер во Барселона летово.
- Нико беше еден од најзаслужните за европското злато на Шпанија на Евро2024. Тој е помлад брат на капитенот на Атлетик Ињаки Вилијамс. Во тандем со Ламин Јамал правеа дар-мар на Европското првенство во Германија.
- Сега Јамал го повикал Нико да му се придружи во Барселона, голем трансфер најавува и првиот човек на клубот Жоан Лапорта, но Атлетик Билбао без 62 милиони евра колку што стои во откупната клаузула не сака да чуе за трансфер.
- Со проблеми со регистрација на играчи во блиско минато и финансиски тегоби, Барса тешко да го оствари овој трансфер наскоро.
- Баерн Минхен чека.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
