Offside › Набрзинка

Нереди после ватерполо меч Хрватска - Црна Гора

9 јануари 2024

Во третото коло на Европското првенство во ватерполо кое се игра во Хрватска, Црна Гора ја победила Хрватска 15:13 после подобро изведување петерци. Во регуларниот тек било 11:11.
Црногорците ги играле последните две минути со играч помалку, Хрватска повела на 73 секунди до крај но на една минута пред крајот Јован Вујовиќ погодил за израмнување и продолженија. Во серијата пенали Црна Гора победила 4:2.
По мечот група хрватски навивачи нападнала присутни црногорски навивачи кои се радувале на победата а по брза реакција на полицијата изгредниците биле приведени и ќе бидат изнесени пред надлежен судија.
Од групата А Шпанија и Хрватска како први и втори одат директно во четвртфинале, а Црна Гора како трета ќе оди во осминафинале.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.