Offside › Набрзинка

Нено Димитријевиќ: „Едвај чекам да заиграм пред најдобрата атмосфера во Евролига“

15 ноември 2024

Во опширен разговор за Спортклуб, најдобриот македонски кошаркар Ненад Димитријевиќ вели дека полека се адаптира на новата екипа Олимпија Милано, играчите сè подобро се разбираат меѓу себе и тоа е добра основа за продолжение на сезоната.
Димитријевиќ вели дека како и за сите евролигашки кошаркари, така и нему му се поклопува календарот во ист ден кога има репрезентативна кошарка, да мора да играат и за својот клуб. Нено ќе го пропушти дуелот со Литванија во Скопје а се надева дека ќе биде спремен три дена подоцна да настапи на гости против Литванците.
Вечерва го очекува прв настап во белградска Арена против Партизан, тим за кој навивал како мал. „Кога го соопштија распоредот, видов дека играме за брзо и си реков ете нема многу да чекам. Едвај чекам да ја почуствувам таа атмосфера, посебно чувство е да се игра во неа“.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор