- Деновиве трае голема дебата околу тоа дали треба израелските спортски клубови и репрезентации да бидат исфрлени од спортот. Меѓу нив и фудбалската репрезентација која игра во квалификациите за Светско првенство 2026 во САД, Мексико и Канада.
- Шпанскиот премиер Педро Санчез беше меѓу првите кои на конференција во Обединети Нации побара спортски санкции и суспензии против Израел.
- Неговиот апел го поддржаа уште други западни министри и премиери, па сега се очекува да се види дали УЕФА и ФИФА ќе постапат по примерот на Русија која буквално за три дена по почетокот на специјалната воена операција во Украина беше исфрлена од сите можни клупски, репрезентативни, спортски и културни манифестации ширум Европа.
- „Апсолутно ќе работиме во целост да блокираме каков било обид да се суспендира репрезентацијата на Израел од квалификациите за Светско првенство“, рекло официјално лице од Стејт Департмент за БиБиСи Спорт.
- Друго лице, член на Европскиот парламент за БиБиСи Спорт рекол: „Разбравме дека раководството на УЕФА сака да види некоја акција за ова. Ништо не е потврдено ниту закажано но има нов, многу голем притисок од многу земји споредбено со пред месец дена“.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
