Offside › Набрзинка

НБА тимови заинтересирани за најдобриот кошаркар во Евролига

30 декември 2024

Американецот Лони Вокер пред некој месец изненадно потпиша договор со Жалгирис Каунас. Литванскиот евролигаш испадна полн погодок за кариерата на Вокер кој блесна во Евролига, па сега новинарот на Њујорк Тајмс Марк Штајн вели дека еден куп НБА клубови го сакаат Вокер во своите редови.
Меѓу нив се Сан Антонио, ЛА Лејкерс, Бруклин Нетс, Филаделфија, Минесота, Мајами Хит и Бостон Селтикс.
Во договорот на Лони Вокер со Жалгирис има клаузула која му овозможува до 18-ти февруари да го напушти клубот само доколку добие понуда од НБА и тоа со откупно обештетување од 450.000 евра. Во досегашниот дел од сезоната Вокер покажа дека е класа од игач, има 14,7 поени со 3,1 скок и 1,6 асистенции по натпреар а индекс на корисност 11,6.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.

View this post on Instagram

A post shared by FIBA Basketball World Cup (@fibawc)

27 ноември 2025

По бурните реакции на навивачите кои не можеа да се помират со оставката на најтрофејниот европски кошаркарски тренер Обрадовиќ, извршниот и управниот одбор на Партизан решил да му пружи апсолутна поддршка на својот тренер да ја продолжи мисијата и му ја одбила оставката.
На предлог на претседателот на клубот Остоја Мијаиловиќ, едногласно е одбиена оставката на Обрадовиќ и клубот соопшти дека тој ужива нивна целосна доверба.