Offside › Набрзинка

НБА лигата го казни Грин за идиотскиот однос

16 ноември 2023

Најдобрата кошаркарска лига на светот е најдобра токму од овие причини. Таму можеш до утре сабајле да бидеш суперѕвезда, ама правила се правила.
Еден од најдобрите кошаркари на повеќекратниот шампион Голден Стејт Вориорс, центарот Драјмонд Грин е казнет со 5 натпревари суспензија поради тоа што без никаков повод го давеше противничкиот кошаркар Руди Гобер на мечот со Јута Џез.
Во изолиран инцидент прво се закачнаа Клеј Томпсон и Џајден МекДаниелс а Руди Гобер влезе да ги раздвои на што Драјмонд Грин без никаква причина го фати Французинот и го давеше по целиот терен. Првите тројца кошаркари се казнети со по 25.000 долари, соопшти Џо Думарс, извршниот потпретседател и шеф на кошаркарски операции во НБА лигата. Грин досега во казни во НБА платил 769.705 долари во текот на кариерата.

извор

Седлоски за одличниот стрелец Илоски од САД: „Никого нема да молиме“

16 септември 2026

Дваесет и седум годишниот Милан Илоски, роден во Калифорнија (САД) кој има македонско потекло, веќе подолго време важи за еден од подобрите стрелци во американската МЛС лига заедно со Лионел Меси, Луис Суарез, Томас Милер и Роберт Левандовски. Илоски сезонава на 25 натпревари има 12 гола и 2 асистенции со што е во горниот дел од листата на најдобри стрелци.
Илоски игра за Филаделфија Јунион. Тој веќе неколку месеци е предмет на дискусии за македонската репрезентација.
На денешниот прес во пресрет на дуелите од Лига на Нации, селекторот Гоце Седлоски на новинарско прашање за Илоски рече:
„Јас сакав да го повикам Илоски уште за натпреварот во Данска, но преку Николче Новески, ни кажа дека приоритет му е клубот и борбата за клупските цели. Се обидовме да ја преиспита одлуката, но во овој момент неговата одлука е таа што е. Го следам, но никого нема да молиме да игра за Македонија“.

Седлоски повика 28 играчи за Лига на нации меѓу кои четворица дебитанти

извор

РК Вардар се спрема за Лига на шампиони, сака со навивачите да победи

15 септември 2026

Ракометниот клуб Вардар 1961 подготвува вистински спектакл за своите навивачи пред враќањето на Лигата на шампионите во Скопје и дуелот со Нант (среда, 18.45), а атмосферата во „Јане Сандански“ ќе започне да се загрева уште пред почетокот на натпреварот.
„Црвено-црните“ најавија голема фан-зона пред влезот во салата, која ќе понуди бина, музика, забава и голем број активности за сите навивачи кои ќе дојдат да го поддржат Вардар.
Вардар го очекува првиот домашен натпревар во новата сезона од Лигата на шампионите, а во „Јане Сандански“ гостува француски Нант. Во 1. коло црвено-црните изгубија од германски Мелсунген 33:31.
„Очекуваме тежок меч, бидејќи сите екипи во ЛШ се силни. Очекуваме голема поддршка од нашите навивачи, бидејќи знаеме што значи тоа за нас и за противниците. Повеќе од една година немаме пораз на домашен терен и сакаме така да остане и во оваа сезона. Мислам дека сме подготвени и влегуваме максимално по првите бодови“, изјави Јака Малус пред прес-конференцијата.
Вардар на овој натпревар ќе настапи без тројца важни играчи: Милан Лазаревски, Жоао Педро и Милан Бомаштар.

извор