- Дваесет и шест годишниот Норвежанец Каспер Руд, 12-ти на светската тенис ранг листа успешно и лесно го помина првото коло на Отвореното првенство на САД и во 3 сета го победи Офнер од Австрија.
- Руд сега ќе игра против Белгиецот Колињон а во меѓувреме изјави дека му смета тоа што на турнирот во Флешинг Медоус во Њујорк многу мириса на марихуана постојано.
- „Тешко е да се биде на теренот со луѓе кои пушат џоинти. Да се внесува тој мирис на марихуана кога сме изморени не е баш забавно во целост. Јачината на мирис е толку силна на моменти“, рекол Каспер Руд пред новинарите во Њујорк каде од 2021-ва година со закон е регулирани поединци над 21 година да може да користат и поседуваат канабис.
- На силниот мирис на марихуана на овој Гренд Слем во минатото се жалеа и Марија Закари, Александар Зверев и Ник Кирјос.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
- И покрај тоа што беше веќе потврдено дека некогашниот капитен и легенда на Севиља и Реал Мадрид ќе купи мнозински пакет акции во андалузискиот клуб, луѓето од клубот се откажале и ги допратиле до врата. „Договорот е прекршен и пропадна“, така рекол извор од клубот Севиља за последниот состанок меѓу инвестициската група на Серхио Рамос и луѓето од клубот.
- Рамос и неговите партнери претставиле значајни измени на договорот постигнат на 12-ти мај во кој се обврзале дека ќе платат 450 милиони евра, ќе го смалат признатиот јавен долг од 88 милиони евра за 80% од акциите на клубот“, рекол неименуван извор и додал: „Рамос после дојде со нова идеја: да купи околу 30.000 од акциите за 100 милиони евра, а договорот беше да купи 86.000 акции. После ова групата на Рамос предложила да ја зголеми сумата на 120 милиони но за 42% од акциите.
- „Бевме шокирани зошто сакаше да ја купи Севиља за едвај речиси 100 милиони евра, па после да изврши зголемување на капиталот од нешто повеќе од 100 милиони евра и на акционерите да им плати многу помалку. После ова состанокот беше распуштен“.
