- Битолчанецот Борче Марковски води два ракометни клубови на Фарски Острови и е предавач за пракса на ракометна академија на која тренираат над 60 талентирани деца на возраст од 10, 12 и 14 години.
- „Не можеш, а да не направиш споредба, таму владее голем професионализам во сè. На Фарските Острови системот на работа во ракомет е пресликан од данската ракометна федерација. Тоа значи дека се игра скандинавски ракомет. Многу тренери од Данска работат тука“.
- „Постојат многу спортски сали, затоплени, обавезно базен во секоја, опрема која ја имаат на располагање. После училиште се оди на тренинзи, а се тренира и до 6 часа“.
- „Во екипите се поставуваат јасни цели и очекувања, така што нема разочарувања. На крај на натпреварот публиката ги наградува и кога се победува, но и кога се губи. Нема вулгарни зборови, свиркања, дофрлувања…Сето ова е одраз на висока свест и култура која ја има во сите сфери на живеење“.
- „Кај нас одиме емотивно во сè, на пример во игра, но и во навивање. Ако се губи, заради нервоза има пцовки, вулгарности. Секогаш се бара виновник за поразот дали е тоа тренерот, играчите или управата. Тоа веќе станува и се прифаќа како вообичаено и нормално. После доживеано разочарување како тренер, заминав без двоумење“, вели Марковски во интервју за bitolanews.
- Навивачката група на ФК Шкупи, „шверцери“ излегоа со соопштение во кое тврдат дека имаат податоци дека во текот на минатата сезона претседателот на клубот заедно со дел од директорите кои повеќе не се во клубот манипулирале со некои натпревари за лична корист.
- „Вчера откако добивме информација дека пријателскиот дуел со Арсими се подготвува за местење за обложување, решивме во соработка со ФФМ да го откажеме“, велат „шверцери“ кои додаваат и дека Шкупи патува во Турција на подготовки но таму ќе намести уште еден натпревар и ги повикуваат сите надлежни органи под итно да интервенираат и да спречат овој срам да продолжи и понатаму.
Фото: Epa Images
- Лидерот на Вест Хем и бразилски репрезентативец Лукас Пакет конечно може да здивне. Регулаторната Комисија при Фудбалската асоцијација на Англија соопшти дека бил чист и дека се ослободува од секаква вина за сомнителни обложувања.
- Минатата година, 27-годишниот Пакета беше обвинет дека наводно намерно добивал жолти картони за време на четири премиерлигашки натпревари во периодот од ноември 2022 до август 2023 против Лестер Сити, Астон Вила, Лидс Јунајтед и Борнмут.
- Тој се сомничеше дека тој и негови пријатели и роднини од Бразил се кладеле на типови за жолти картони.
- Но истрагата не докажала ништо и тој е целосно чист и ослободен од секакво обвинение. „Од првиот ден на истрагата бев мирен зошто сум невин во однос на овие екстремно сериозни обвинувања. Сакам да кажам колку многу сум му благодарен на Бог и колку сакам што се враќам да играм фудбал со насмевка на лицето. Благодарам до жена ми, до Вест Хем Јунајтед, до навивачите, до моето семејство, пријатели и правиот тим кој ме поддржуваше, ви благодарам“, напишал Пакета
