Offside › Набрзинка

Миленковски: За „вокреснувањето“ на ФК Вардар е потребна политичка одлука

8 август 2023

„Имавме ситуации кога беше под знак прашалник одењето на тренинг и воопшто првенството. Проблемот беше финансиски. Смогнавме сили и собравме средства за да им дадеме на играчите за да почнат да тренираат. Тоа е еден проблем кој не прати цело време“.
„Најдовме начини да испишеме историја бидејќи пласманот на Вардар во Првата лига при такви елементрани услови е рамен на чудо“.
„Кога го презеде клубот Самсоненко во 2014-та година, го прими со салдо нула, без никакви долгови. Чесно е да се врати во првобитната состојба во која што бил земен. Тоа на нас ќе ни завршеше многу работа во овие три години и ни претставува огромен товар“.
„Долгот од времето на Самсоненко е од прилика 2,5 милиони евра. Тој долг не само што не се врати, туку се зголеми. Од доаѓањето на Слободен Крстевски имаме нула намалување на долгот и според некои проценки сега имаме околу 3 милиони евра долг“.
„Видовме дека никој друг не може да го сака Вардар како неговите навивачи кои покажаа голема пожртвуваност“, вели во интервју за РСЕ, Милорад Миленковски од навивачката група Комити.

извор

Вардар го освои и Охрид за 14-та победа на 14 натпревари

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

извор

Тарик Биберовиќ им „забибери“ чорба на своите, Босанците гневни

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.