- Актуелниот италијански првак Милан минува низ голема резултатска криза. Шест меча по ред не знаат за победа. Попладнево на „Сан Сиро“ Сасуоло го разби Милан со 2-5, а одново кобен за „црвено-црните“ беше Доменико Берарди кој по којзнае кој пат играше инспирирано против Миланезите. Овојпат имаше гол и две асистенции.
- Јувентус изгуби дома 0-2 од Монца и уште повеќе се оддалечи од местата кои водат во Европа. Ова е првпат уште од 21 март, 1993-та година и Милан и Јувентус да изгубат домашни натпревари во ист ден во Серија А. Цели 30 години поминаа од таков епилог во италијанското првенство.
- Монца на 18-ти септември лани го совлада Јуве со 1-0 и сега пак, на гости ги доби бјанконерите кои се во тешка криза.
- Миленикот на скопските Комити, Црногорецот Вуко Борозан пред неколку недели по втор пат го напушти Вардар 1961. Се очекуваше да најде ангажман во странство, се споменуваа и арапските земји или клуб од Западна Европа, но на крајот Борозан реши да остане таму каде што му е најубаво, во Македонија.
- Негов нов клуб ќе биде РК Охрид кој ги продолжува неверојатните ангажмани на трансфер пазарот со цел да ги исполни амбициите да се бори за шампионските трофеи во догледно време.
- Борозан беше дел од големите успеси на Вардар на домашна и меѓународна сцена и прашање е како навивачите ќе реагираат на овој чекор.
- Боксерот Ален Рустемовски и бодибилдерката Катерина Попева ги добија највисоките признанија на традиционалната манифестација „Спортист на годината 2025“, која се одржа во организација на Министерството за спорт и Сојузот на спортски федерации на Македонија.
- Рустемовски до признанието „Спортист на годината“ стигна по освојувањето на сребрен медал и вицешампионската титула на ЕП У23 во Ереван. Во изборот, тој беше подобар од номинираните Енис Барди, Стефан Михајловски, Андреас Трајковски и Владимир Егоров.
- Во женска конкуренција, титулата најдобра спортистка ѝ припадна на Попева, која лани стана шампионка на Светското првенство во фитнес и бодибилдинг во Санта Сусана (Шпанија). За признанието беа номинирани и Ангела Мојсовска, Александра Марковска, Катерина Ацевска и Сашка Колеска.
- Министерството за спорт традиционално ги додели и стипендиите „Спортска надеж“ на 500 талентирани млади спортисти, македонски репрезентативци. Свеченото доделување на стипендиите се одржа во МОБ, во склоп на манифестацијата „Спортист на годината 2025“.
