- Македонскиот репрезентативен голман Мартин Томовски настапува во Бундеслигата, а од меч во меч има одлична статистика која го држи при врвот по пет одиграни кола.
- Со вкупно 53 одбрани зад своето име во пет меча, Мартин Томовски е вториот најдобар голман во Бундеслигата по бројот на интервенции. Пред него е само Давид Спат, Германецот кој брани за Рајн Некар Левен, а има 64 одбрани.
- Зад Томовски се Бертрам Облинг од Гумерсбах (50 одбрани), Ласе Лудвиг од Фуксе Берлин (47 одбрани) и Робин Хауг од Хамбург (41 одбрана).
- Томовски и Битигхајм, сепак, веројатно ги чека битка за опстанок. Тимот на македонскиот голман има една победа во пет одиграни натпревари.
- Женската фудбалска репрезентација на Македонија до 19 години, го совлада Косово на гости со 3:1 на контролен натпревар.
- Избраничките на селекторот Кирил Изов поведоа со голот на Меланија Грозданова во 5 минута, а на 3 минути пред крајот на првиот дел Олса Мачастена израмни на 1:1.
- На стартот од вториот дел Теона Галабовска и донесе предност на Македонија од 2:1, а конечните 3:1 ги постави Грозданова со погодокот во 89. минута од натпреварот.
- Работнички ја забележа и втората победа во две кола од новата сезона во мак-баскетот откако славеше 86-70 против КК Тиквеш. По стартниот триумф над Струмица на гости, Работнички пред своите навивачи запиша нова победа за 2/2.
- Навивачите на домашниот тим, „Сити Парк Бојс“, испратија патриотска порака која следи само неколку дена откако навивачите на МЗТ Скопје имаа слична симболика на дуелот против грчки Ираклис во Еврокуп, за што Грците веќе упатија жалба до надлежните во натпреварувањето и бараат казна.
- На трибната на популарните „Бојси“ стоеше „Од Вардар, Пирин до Солун, име ѝ е Македонија“, а истакнато беше и сонцето од Кутлеш.
- На натпреварот Работнички - КК Тиквеш беа присутни и поранешните кошаркари на црвено-белите: Томе Димишковски, Драган Радосављевиќ, Христо – Рики Ѓорчевски и Огњан Герасимовски.
- По идеја на навивачката група „Сити парк бојс” и раководството на клубот, поканети се, тоа важи за сите домашни натпревари на КК Работнички сезонава во реновираната сала „Лазар Лечиќ, многу легендарни поранешни кошаркари и тренери на клубот кој е основан пред 80 години.
