Offside › Набрзинка

Манчини го вика за Италија првиот стрелец од аргентинска лига

9 март 2023

Во четврток на 23-ти март Италија ги отвора квалификациите за Евро 2024 а во група со аѕурите е уште и Македонија, Англија, Малта и Украина.
Македонија стартува со Малта на 23-ти март во 20:45 во Скопје, а Италија во Неапол ќе ја пречека Англија во 1. коло од квалификациите.
За овој натпревар на списокот репрезентативци на аѕурите, селекторот Манчини би требало да го стави и младиот 23-годишен шпиц Матео Ретегуи кој игра во аргентински Тигре како позајмен играч од Бока Хуниорс.
Ретегуи сезонава дал 6 гола на 6 меча во силната аргентинска Суперлига. „Имаме многу проблеми во нападот. Во одбрана и во среден ред имаме избор, но во нападот не. Имобиле, Распадори и Скамака се повредени, Белоти игра малку, само Њонто игра малку повеќе во Лидс Јунајтед и тој може во шпицот, се друго лошо стоиме“, рекол Манчини пред мечот со Англија кој може многу да одлучи во нашата група.

извор

Се разделија Нагелсман и ДФБ, Германија ќе ја води познат шмекер

3 јули 2026

По новиот дебакл на германската фудбалска репрезентација која после два Мундијали на кои испаѓаше во групи сега се посрамоти и во 1/16 финале испадна од Парагвај, очекувано селекторот Нагелсман си оди.
Германскиот фудбалски сојуз (DFB) во состав претседател Бернд Нојндорф (64), шефот на Бундеслига Јоаким Вацке (67), спортскиот директор Руди Фелер (66) и генералниот секретар на Федерацијата Андреас Ретиг (63) објави дека го раскинува договорот со 38-годишниот тренер кој беше селектор од септември 2023-та. Под негово водство Германија стигна до 1/4 финале на Евро 2024 и испадна од Светско 2026 во 1/16 финале.
Германската фудбалска федерација на барање на целокупната тамошна јавност почнува преговори со Јирген Клоп (59) кој би требал да стане нов селектор на Националмајншафт.
„Неколку дена по нашето испаѓање, многу размислував и се советував со луѓето од доверба, како лично така и во федерацијата. Оваа одлука не беше лесна за мене. Мој главен приоритет секогаш бил успех на репрезентацијата. После такво горко разочарување, тие заслужуваат шанса да почнат се од почеток. Сакам да му се заблагодарам на својот стручен штаб и сите во федерацијата кои не поддржуваа нас, посебно играчите со кои имав чест да работам.

Посебна благодарност и до навивачите. Вие не поддржувавте, верувавте во нас, ни дававте енергија во тешки времиња. Искрено ми е жал што ве разочаравме и не ви подаривме незаборавни фудбалски ноќи на ова Светско првенство. Вие заслужувате повеќе“, рекол Нагелсман по разделбата со федерацијата.

извор

Матановиќ: Почувствував мал допир со топката по коса

3 јули 2026

Со влезот во второ полувреме, Игор Матановиќ ја освежи играта на хрватската фудбалска репрезентација против Португалија, но на крајот, токму неговиот минимален допир со топката во 13-та минута од судиското продолжение беше причината голот на Гвардиола да биде поништен.
Што се случи во таа последна ситуација од натпреварот? Дали ја допревте топката? Што рече судијата?
„Искрено, мислам дека почувствував мал допир со топката на косата, а потоа го прашав судијата што е тоа. Не бев 100% сигурен дали ја допрев. Тој рече нешто како да имале чип во топката и дека виделе дека имало контакт, а потоа било офсајд и тоа е тоа.