- Македонската фудбалска репрезентација вечерва од 18:00 часот во Брисел ќе ги дознае противниците во новото издание на Лига на Нации за 2026-та година. Овој турнир ќе се игра како и минатото издание од септември до ноември, а нокаут фазата е закажана за март идната 2027-ма година.
- Македонија за првпат ќе игра во Б дивизија со најквалитетни ривали досега откако игра во Лига на Нации.
- Црвено-жолтите се дел од четвртиот сад во кој се наоѓаат уште селекциите на Шведска, Северна Ирска и Косово и против нив нема да играат сигурно.
- Статус на носители имаат: Шкотска, Унгарија, Полска и Израел. Во вториот сад се сместени Швајцарија, БиХ, Австрија и Украина, а во третиот се Словенија, Грузија, Република Ирска и Романија. Против некои од овие репрезентации Македонија ќе игра во група до Лига на нации.
- Легендарниот хрватски капитен обезбедил голема поддршка за градското дерби кое Милан синоќа го доби 1:0 против Интер.
- Според италијанските медиуми, Модриќ купил 60 билети за неговото семејство и пријателите од Хрватска да можат да го гледаат важниот натпревар во трката за титулата. Меѓу нив и Марио Манџукиќ.
- Договорот му истекува во јуни, со опција за продолжување до 2027-та. Но за сега не му е продолжен и можно ова да му биде последно дерби.
- Најдобриот кошаркар од земјава, Ненад Димитријевиќ вечерва со својот Баерн Минхен гостува во гротлото на белградска „Арена“ каде ќе ги пречека Црвена звезда. Димитријевиќ зборувал во интервју за Б92 околу својата кариера.
- Вели дека првата сезона во Евролига во Милано му била напорна зошто често имало натпревари, силен ритам а тој влегол без многу тренинзи во процесот.
- За радоста од понудата на Баерн Минхен:
- „Бев на краток Божиќен одмор од Зенит во Дубаи, кога ми се јави Мишко Ражнатовиќ и ми кажа дека постои можност за Баерн. Кога слетав назад во Санкт Петербург ме побара Кари Пешиќ. Разговаравме прилично долго и веднаш почуствував дека е тоа нешто што ми треба во кариерата. Веќе планирав на лето да се вратам во Евролига и да добијам нова шанса после тешката сезона пред тоа (во Милано). На крајот се испадна како треба и за мене е голема чест што сум овде. Голем клуб, голем тренер и прав предизвик“, вели Димитријевиќ.
- На прашањето зошто не заврши во Партизан како што се шпекулираше долго, Нено кој е голем навивач на црно-белите вели:
- „Можеби првата година по заминувањето од Валенсија бев поемитевн по тоа прашање. Кога бев уште дете го сакав Партизан и помислив дека е убаво да го почуствувам и тој дел, да не биде се само професионално туку и емотивно. Но тогаш ништо не се случи. После таа приказна некако згасна и никогаш не стигна конкретна понуда. Го познавам Жељко преку син му Ѓорѓе така што бевме во контакт и разговаравме неколку пати. Но никогаш не беше тоа приказна за Партизан или какви било преговори туку обични разговори“, вели Нено.
