- Кулминираат квалификациите за Светско првенство 2026, а Македонија уште го живее сонот дека може да стигне до Мундијалот кој следната година на лето ќе се одржува во САД, Мексико и Канада.
- Македонија прво ќе игра контролен натпревар, пријателска средба против Летонија на 13. ноември на домашен терен а за 18-ти ноември е закажано најважниото соочување - против Велс на гости во Кардиф.
- Овој дуел е означен како директна пресметка за второто место и баражот. Белгија игра против Казахстан дома и Лихтенштајн на гости па веројатно е дека Белгијците ќе го сочуваат првото место.
- Денеска селекторот Благоја Милески го соопшти списокот од 28 фудбалери на кои ќе смета за двата натпревари. Поради повреда отпадна Езѓан Алиоски а во репрезентацијата се враќаат Бојан Димоски, Лирим Ќамили и Кристијан Трапановски.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
