- Два клуба, Хаус оф граплинг артс и Стронгест, успеаа да ја донесат Македонија до второ место на меѓународниот турнир во бразилско џиу-џицу во Подгорица. Прва беше Црна Гора, а зад Македонија се најдоа Албанија, Србија, Косово и Хрватска.
- Хаус оф граплинг артс (@houseofgrapplingarts) со 18 победи беше и втор по број на победи на турнирот. Со овие 18 победи ХГА стигна до вкупно 10 медали (по 2 злата имаат: Емил Климовски, Давид Ровчанин и Дарко Тасевски; Илчо Тимов е со 1 злато; 2 сребра има Марко Колеќески; а бронзата е за Петар Воденски).
- Од вкупно 44 златни медали на турнирот во Црна гора 16 завршија во Македонија. Освен 7-те злата на ХГА, 9 донесе и клубот Стронгест (@thestrongestmacedonia), од кои три се дело на Даниела Алексовска.
- Убави ветришта дуваат кај двократниот европски шампион. По освоениот Куп пехар до кој дојдоа со крајни маки против тврдиот орев, црвено-црните блескаат и во првенството каде се први и на чекор до нова шампионска титула после цели 5 години.
- Управата на чело со почесниот претседател Михајло Михајловски денес на прес-конференција потврди дека клубот го договорил и 23-годишниот француски ракометар Матео Фадуил.
- Во оваа сезона, Фадуил настапува за Трембли за кого на 24 натпревари даде 157 гола. Французинот во Трембли е од 2022 година, а покрај за Нант за кого играше од 2019 до 2021, настапуваше и за Саран на позајмица и за Кретеј. „Фадуил ќе биде и последно засилување во ростерот на Вардар за новата сезона“, потврдил Михајло Михајловски кој додал и дека според тренерот Чупиќ, Вардар 1961 ќе биде за 40% појак од оваа сезона.
- Претходно, Вардар за следната сезона ги договори Мохаб Абделхак, Милан Бомаштар и Леон Љевар.
- Ракометниот клуб Вардар 1961 објави и дека договорил нов моќен спонзор со кој ќе соработува во иднина. Станува збор за „Казинос Австрија Интернешионал“, компанија која ќе биде еден од главните поддржувачи на вардарци.
- Никола Митревски се обврза на нов договор за Еурофарм Пелистер за сезоната 2026/27, со опција за продолжување и за сезоната 2027/28, соопштуваат битолчани.
- Во октомври оваа година, тој ќе наполни 41 година и доколку реши да остане уште една сезона, тоа значи ќе брани и на 42.
- „Митревски е роден победник, дете на клубот, човек кој се изгради и како личност и како професионалец со преку две децении врвен ракомет. Освојуваше титули каде и да настапуваше, но задоволството е уште поголемо кога заеднички се радуваме на трофеи во Битола. Така ќе биде и во иднина“, стои во дел од соопштението на клубот.
