- Селекторот на Англија, Германецот Томас Тухел синоќа го објави долго очекуваниот состав на Гордиот албион за Светското првенство 2026. На него ги нема Фил Фоден, Кол Палмер, Трент Александер-Арнолд и Хари Мегваер. Се враќаат повратниците Иван Тони и Маркус Рашфорд во нападот.
- Мегваер (32) синоќа напиша на друштвените мрежи: „Бев уверен дека можам да играм голема улога летово за мојата земја по сезоната која ја имав. Останав шокиран и збунет од одлуката. Нема ништо повеќе што сакам од тоа да го носам дресот на мојата земја низ годиниве. Им посакувам на играчите се најдобро летово“, напишал скршениот Мегваер за кого немаше место во репрезентацијата на Тухел.
- Мајка му Зои, погодена од списокот на мрежата Х напишала: „Апсолутно сум згрозена!“.
- Во јавноста се уште не стивнува дискусијата за недоличното пеење на фудбалерите на Вардар кои на прослава на шампионската титула по дуелот со Струга, го навредуваа ривалот Пелистер, градот Битола и пејачката Каролина Гочева.
- Од ФФМ ги изрекоа казните за повеќето клубови поради разни испади (најчесто поради употреба на пиротехника на трибините), но соопштија и дека се води дисциплинска против ФК Вардар за скандирањето на играчите.
- Од клубот сега со допис до ФФМ и соопштение за јавноста велат дека тие не можат да бидат казнето за тоа што станува збор за случај не на официјален натпревар туку на приватна прослава.
- Вардарци потсетуваат дека нивната официјална клупска прослава на двојната круна е закажана за сабота вечер на 23-ти мај на „Школка“ во Градски парк после натпреварот со Шкендија кој почнува во 18:00 часот.
- Во последниов период имаше повеќе настани што доаѓаат од повеќе страни (спортски работници, фудбалери, навивачи, клубови) кои штетат на угледот на федерациите, државата и, крајно на спортот, наспроти она што треба да претставува спортот!
- Министерството за спорт пристапува кон разгледување на можноста за измени во Законот за спорт со кои ќе ги прошириме ингеренциите на државата со цел ваквите појави да бидат сериозно санкционирани.
- Казните ќе бидат во делот на добивањето државна помош, а во крајна линија ќе се предвиди и постапка за одземање на решенијата за дејност спорт, со што ќе се губи правото на настап во националното првенство.
- Согласно сите меѓународни правни инструменти за што сите земји во светот имаат постигнато општ консензус, ваквите и слични девијантни појави не смеат да бидат секојдневие во спортот, вклучително и во македонскиот спорт и во таа насока, Министерството за спорт ќе направи сè за да ги заштити националните интереси и интересите на спортот, се вели во соопштението на Министерството за спорт
