- По една славна деценија во Реал Мадрид со кој освои 23 трофеи, од кои 5 во ЛШ, шпанскиот десен бек се сели во Бундеслигата, каде потпиша две годишен договор со Баер Леверкузен.
- Официјализирањето на трансферот се случува откако летово ги одигра последните мечеви на Светското клупско првенство за Реал, кој беше елиминиран во полуфиналето од ПСЖ.
- Васкез ќе го носи дресот со број 21 во тимот кој ќе го предводи Ерик тен Хаг, кој пристигна како замена за Чаби Алонсо кој замина во Реал Мадрид.
- Ова е важно засилување за фармацевтите, бидејќи на таа позиција останаа без Џереми Фримпонг кој потпиша во Ливерпул. Во адаптирањето ќе му помагаат двајца сонародници, а тоа се Алехандро Грималдо и Алеиш Гарсија.
- Возачот на Мерцедес, Италијанецот Кими Антонели (19) е победник на трката за Големата награда на Јапонија, трета овосезонска трка од шампионатот Формула 1.
- Младиот Италијанец роден во Болоња, на легендарната патека „Сузука“ ја прослави втората победа по ред откако славеше на претходната трка во Кина. Антонели победи со десетина секунди предност во однос на Оскар Пјастри од Мекларен, а на трето место заврши Шарл Леклер од Ферари.
- Антонели сега стана најмлад лидер во историјата на Ф1, на возраст од само 19 години и 216 дена. Претходниот рекорд го држеше Луис Хамилтон од Ферари кој во 2007-ма како возач на Мекларен беше прв во генералниот пласман на само 22 години и 126 дена. Тогаш на крајот од сезоната Хамилтон заврши втор но од 2008-ма ја започна трофејната берба.
- Трката во Јапонија ја одбележа тежок и страшен судар на возачот на Хас, Оливер Берман. Младиот Британец изгуби контрола над болидот и излета од патеката, прелета неколку метри и удри во заштитната ограда. За среќа возачот на Хас минал без посериозни повреди.
- Турските медиуми објавија голем скандал со претседател на македонски прволигаш, вмешан во криумчарење на злато.
- Лицето Б.Х. било уапсено од страна на полицијата на патот меѓу градовите Батман и Сиирт на 24 март.
- Полицијата во возилото на претседателот на екипата од Првата македонска фудбалска лига открила злато со тежина од два килограми и 581 грам, кое е проценето на 300.000 евра.
