- Познатиот италијански кошаркарски стручњак Лука Банки кој ја водеше Летонија на изминатото Европско првенство а сега е тренер на Виртус и на италијанската репрезентација, имаше убаво излагање во однос на бројните оставки и откази во Европа периодов.
- „Мислам дека во Евролига видовме досега пет смени на тренери. Тоа заслужува подлабок разговор за пристапот, распоредот и начинот на кој ги проценуваме победите и поразите. Ако сакаме да ја имитираме НБА со таков распоред, мора да прифатиме дека создаваме услови во кои поразите стануваат поверојатни. Вредноста на еден натпревар се намалува. Ако некој вели дека секој натпревар е важен јас не можам да се сложам со тоа. Овој распоред не е хуман. Играње секоја вечер не остава време за одмор, за опоравок и за соодветна подготовка“, вели Лука Банки на конференција за новинари.
- Жељко Обрадовиќ и Еторе Месина од Олимпија Милано се последните тренери кои заминуваа од своите екипи деновиве. Обрадовиќ наводно ја изгубил „соблекувалната“, бил во лош однос со некои странски играчи кои не почитувале баш ништо што барал од нив. Тој на првиот човек на клубот Остоја Мијаиловиќ му рекол дека не би сакал трагично да заврши крај клупата на Партизан зошто здравствено многу се троши.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
