Фото: Epa Images
- Англискиот шампион направи уште еден мегаломански трансфер откако го договори францускиот шпиц Уго Екитике во трансфер вреден 80+ милиони евра. Како што пренесува новинарот Фабрис Хокинс, црвените се договориле со некогашниот напаѓач на ПСЖ а досега центарфор на Ајнтрахт Франкфурт и договорот ќе биде на 6 години со важност до 2031.
- 23-годишниот Екитике е дете на Рем од каде играше во дански Веље па замина во ПСЖ. Во Париз немаше место за него во силна конкуренција па се пресели во Ајнтрахт Франкфурт за 16,5 милиони евра. Минатата сезона за Ајнтрахт на 48 меча постигна 22 гола со 10 асистенции.
- За последните 48 часа Екитике ги одби Манчестер Јунајтед и Њукасл кој беше на праг од договор со него и се реши да оди на „Енфилд Роуд“.
- Ливерпул веќе ги ангажираше Флоријан Вирц, најдобриот германски фудбалер за кого поставија нов астрономски рекорд со трансфер вреден 125 милиони евра плус бонуси! Дојдоа уште и најдобриот лев бек во Премиер лига за минатата сезона, Милош Керкез и десниот бек од Леверкузен Фримпонг. Се очекува наскоро да потпише и стоперот Гуеи од Кристал Палас.
- На излезна врата од Ливерпул се неколку фудбалери меѓу кои Дарвин Нуњез.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
- И покрај тоа што беше веќе потврдено дека некогашниот капитен и легенда на Севиља и Реал Мадрид ќе купи мнозински пакет акции во андалузискиот клуб, луѓето од клубот се откажале и ги допратиле до врата. „Договорот е прекршен и пропадна“, така рекол извор од клубот Севиља за последниот состанок меѓу инвестициската група на Серхио Рамос и луѓето од клубот.
- Рамос и неговите партнери претставиле значајни измени на договорот постигнат на 12-ти мај во кој се обврзале дека ќе платат 450 милиони евра, ќе го смалат признатиот јавен долг од 88 милиони евра за 80% од акциите на клубот“, рекол неименуван извор и додал: „Рамос после дојде со нова идеја: да купи околу 30.000 од акциите за 100 милиони евра, а договорот беше да купи 86.000 акции. После ова групата на Рамос предложила да ја зголеми сумата на 120 милиони но за 42% од акциите.
- „Бевме шокирани зошто сакаше да ја купи Севиља за едвај речиси 100 милиони евра, па после да изврши зголемување на капиталот од нешто повеќе од 100 милиони евра и на акционерите да им плати многу помалку. После ова состанокот беше распуштен“.
