Offside › Набрзинка

Лино Червар: „Некоректно е да се бара од Лазаров да поминат група“

10 јануари 2024

Во поопширно интервју за сајтот ЛобСпорт, легендарниот тренер Лино Червар кој беше предводник на скопски Металург во најславните години на овој клуб и беше селектор на Македонија, раскажува што очекува од Европското првенство.
„Тешко ќе и биде на Македонија со Франција и Германија, би било некоректно кон Кирил Лазаров да се бара од него да одат понатаму, евентуално може да ја победат Швајцарија. Можеби некој таму ќе зборува дека може, но тоа е „ти кажувам приказна“, вели Червар на прашањето за настапот на Македонија на Европското.
Хрватскиот стратег зборуваше и за шансите на преостанатите селекции од регионов кои учествуваат на Европското, како Србија, Словенија, Црна Гора и Хрватска.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.