Кога Грците се побунија против Македонците

За Филип, Александар и цела таа фамилија нас нè боли уво точно колку за Ким, Кло и целиот клан Кардашијан. Ама кога со политички декрет некои ќе им се доделат на едни а забранат на други, декрет потпишан од двајца премиери од кои барем за едниот од прва рака знаеме колкав му е капацитетот за географско-историски прашања (тој за Прличев мислеше дека е од Велес), ти доаѓа од инает да ја рушиш новата идила.

„Со денови кралот (Александар) лежеше беспомошен додека се лечеше а Грците кои беа населени во Бактрија и Согдијана, коишто долго време се жалеа на нивното битисување меѓу луѓе од други раси и коишто сега начуле дека кралот умрел од повредите, се побунија против Македонците. Формираа група од три илјади мажи и се изнамачија на нивниот пат кон татковината. Подоцна, после смртта на Александар тие беа масакрирани од Македонците.“

Диодор од Сицилија, грчки историчар кој живеел во првиот век п.н.е.

Diodorus of Sicily: in Twelve Volumes. VIII, Books XVI.66-95 and XVII. trans. C. Bradford Welles, Loeb Classical Library 422 (Cambridge, MA: Harvard University Press/London: William Heinemann, 1970), pp.404-405.

* извор

објавено: 24 јуни 2018 - 17:20