- После едномесечна пауза, се враќа најатрактивното клупско европско натпреварување - Лигата на шампионите.
- Во Милано на „Сан Сиро“ Интер ќе го пречека Арсенал во дербито на вечерта. „Топџиите“ играат одлична сезона и се единствена непоразена екипа со 6/6 во Лига на шампиони и 18 освоени бода.
- Во Лондон на Тотенхем му гостува Борусија Дортмунд, играат уште и Реал Мадрид Монако, Каират - Клуб Бриж, Бодо Глимт - Манчестер Сити, Виљареал - Ајакс, Олимпијакос - Леверкузен, Спортинг - ПСЖ, Копенхаген - Наполи.
- Македонската ракометна репрезентација вечерва против Романија игра за пласман во следната рунда, односно вториот круг на Европското првенство.
- Што ѝ е потребно на Македонија за да обезбеди главна фаза на ЕП? Шансите се мали, но:
- Македонија треба да надокнади 19 голови разлика во однос на Португалија. За тоа ќе ни треба помош и од Данска, која тееба да ја совлада Португалија што е можно поубедливо. На пример, ако Македонија ја совлада Романија 10 разлика, тогаш Данска треба да слави против Португалија со 9.
- Постои и теоретска можност збирната разлика да биде 18, со што Македонија и Португалија би биле израмнети по гол-разлика. Но тогаш одлучува бројот на постигнати голови, а тука Македонија не е во поволна позиција.
- 36-годишната суперѕвезда на Голден Стејт Вориорс Џими Батлер тешко се повредил на мечот против неговиот доскорешен тим Мајами Хит со кој стана првак а кој „воините“ го добија 135-112. Батлер тешко се повредил во 7 минута и 41 секунда од третиот период кога паднал на земја по дуел со бекот на Хит Давион Мичел. Неговиот ужасен крик од болка значел само едно: скинати предни вкрстени лигаменти. Целата арена занеме.
- Батлер ќе паузира најмалку до крајот на оваа сезона, а тоа ќе биде голем проблем за Голден Стејт и тренерот Стив Кер. Некогашниот шампион со Мајами Хит таман одлично функционираше со лидерот Стеф Кари а екипата забележа 12 победи на последните 16 натпревари и фати залет за евентуално доигрување.
