Offside › Набрзинка

ЛА Лејкерс го повлекува бројот 16 во чест на големиот Гасол

18 август 2022

Пау Гасол е последниот во низата кошаркари на ЛА Лејкерс чиј број ќе биде повлечен од употреба. Интересно, сите десет кошаркари на кои „езерџиите“ им ги повлекле броевите во нивна чест под сводовите на „Стејплс Центар“ (денес „Крипто.ком Арена“) се воедно и членови на Куќата на славни во Нејсмит.
Гасол играше шест ипол сезони за Мемфис Гризлис но во сезоната 2007/2008 дојде во ЛА Лејкерс и изгради феноменален тандем со Коби Брајант со кого беа најзаслужни за титулите освоени 2009 и 2010 и финале во 2008.

извор

Раниери ја одби Италија, сега прв кандидат е Пиоли

10 јуни 2025

Доскорешниот тренер на Рома и легендарен италијански стратег кој сензационално ја освои шампионската титула со Лестер во Премиер лига, Клаудио Раниери ја одбил понудата од Италијанската фудбалска репрезентација да стане нов селектор по отпуштениот Лучано Спалети.
Клаудио Раниери кој доби понуда да остане консултант во Рома, наводно разговарал со сопствениците на клубот, таткото и синот Фридкин. „Фридкин ми дадоа апсолутна поддршка за каква и да донесам одклука во однос на репрезентацијата, но на крајот одлуката е моја“.
„Признавам дека на наследникот не му оставам силен италијански тим, затоа што и денешниот настап не беше којзнае колку импресивен.

Добив шанса да бидам селектор, работев напорно, правев и грешки, правев и експерименти, но не успеав да го извлечам најдоброто од оваа група фудбалери“, изјави отпуштениот Лучано Спалети по триумфот на Италија 2:0 над Молдавија.
Сега единствен кандидат за клупата на Италија останува Стефано Пиоли, некогашниот тренер на Лацио и Милан кој со росонерите освои шампионско скудето па замина да биде тренер во Саудиска Арабија.

извор

Колку пари заработиле најдобрите тенисери на светот?

9 јуни 2025

Јаник Синер и Карлос Алкараз одиграа епско финале на Ролан Гарос кое траеше најмногу во историјата на овој турнир: повеќе од 5 часа тенис.
Благодарение на триумфот во Париз, младиот Шпанец Алкараз се искачи на шесто место на листата најголеми заработки во светот на тенисот со 44.732.623 долари. Јаник Синер е деветто место и досега заработил 41 милион долари. Единствени што имаат над 100 милиони долари заработки е големата тројка Новак Ѓоковиќ, Роџер Федерер и Рафаел Надал.
Ѓоковиќ досега заработил 187.870.986 милиони долари од сите турнири во професионалната кариера каде остварил резултати вредни одредена сума според наградниот фонд. Надал е втор со 134.946.100 долари заработка од тениските терени.

извор