Offside › Набрзинка

Куманово ќе биде домаќин на завршницата во Купот на Македонија

26 јануари 2026

Кошаркарската федерација на Македонија (КФМ) му ја додели на МКК Куманово организацијата на финалниот турнир во Купот на Македонија. Натпреварите за трофејот кој го носи името „Благоја Георгиевски - Буштур“ ќе се играат во спортската сала во Куманово.
Четвртфиналните дуели се играат на 13-ти февруари а ќе играат:

ТФТ Скопје – Феникс 2010
МЗТ Скопје Аеродром – Работнички
Кожув – Маџари
Пелистер – МКК Куманово

Победниците од четирите четвртфинални средби ќе играат во полуфиналето кое е предвидено да се игра на 14 февруари, додека новиот победник во националниот Куп ќе биде познат по одигрувањето на големото финале кое ќе се одигра еден ден подоцна.

извор

РК Вардар 1961 вечерва ја отвора европската пролет, пренос на Арена Спорт

17 февруари 2026

Двократниот европски шампион РК Вардар 1961 вечерва ја продолжува европската одисеја во Европската лига на ЕХФ. Гостува кај Бенфика на старт на главната (втора) фаза од натпреварувањето откако првата ја заврши како лидер во групата.
Црвено-црните пренесоа два бода во оваа фаза а Бенфика 0 така што скопскиот состав е во подобра позиција. Португалскиот гигант има одлична поддршка во својата сала и ќе биде тоа голем мегдан за Вардарци.
Под водство на Иван Чупиќ ракометарите на Вардар 1961 играат фантастична сезона и се убедливо први во домашната Супер лига. Во новава година имаат три триумфи над Куманово, РК Бутел и РК Пролет а Бенфика забележа две победи и еден пораз.
Кај Вардар 1961 се враќаат повредените Милан Лазаревски, Мигел Еспиња и Мамаду Кеита а тука е и новајлијата Жоао Педро од Бразил.
Средбата се игра во 18:45 часот. Вечерва фудбалскиот клуб Бенфика пак ќе игра против Реал Мадрид во Лига на шампиони.

извор

Тренер на АЕК добил отказ зошто го гледал Олимпијакос

17 февруари 2026

Управата на лидерот во грчката Суперлига АЕК Атина и тренерот Марко Николиќ решиле да го отпуштат помошникот на српскиот тренер и негов пријател, Александар Рогиќ.
Оваа вест беше ударна во грчките спортски медиуми поради несекојдневната причина за отказот.
Рогиќ бил отпуштен затоа што во четвртокот вечерта во друштво на Новак Ѓоковиќ го гледал мечот Олимпијакос - Црвена звезда од кошаркарската Евролига. Кога режисерот го даваше Ѓоковиќ во пренос, до него седеше Рогиќ.
Марко Николиќ, познат српски тренер кој ги водеше ЦСКА Москва и Локомотив Москва, решил да го отпушти својот помошник поради тоа што направил нешто неприфатливо за клубот и навивачите на АЕК - бил на средба на нивниот најголем ривал Олимпијакос.

извор