- Француската биатлонка Јулија Симон освои златен медал на Олимписките игри во Милано и Кортина во мешана штафета четири пати по 6 километри.
- Токму таа ја направи клучната предност, го оствари најголемиот успех во кариерата и излезе хероина за својата земја и тоа само кусо време откако изеде голем срам.
- Пред неколку месеци, Симон била обвинета за кражба и измама, а оштетени биле членови на нејзиниот тим на кои им ги крадела кредитните картички.
- Добила тримесечна условна казна затвор, парична казна во износ од над 15.000 евра и плус била суспендирана на шест месеци.
- Како двократен шампион на Македонија и освојувач на Купот, ФК Победа нема пари и поради тоа се повлекува од втората лига.
- Зборуваме за клуб кој доаѓа од Прилеп кој важи за фудбалски град и каде се гордееја со трофеи, но и со европски настапи против Парма и Перуџа.
- Очајот го објаснија преку соопштение во кое велат дека Советот на општина Прилеп, изгласал одлука за доделување на еднократна финансиска помош во висина од 1 милион денари, која не била исплатена поради распишување на локални избори.
- Селекторот на Србија прославениот шпански тренер Раул Гонзалес кој се прослави на клупата на Вардар кого го направи европски шампион во 2017-та, од јуни ќе го преземе најдобриот српски клуб во моментов РК Партизан, пишуваат српските медиуми.
- Клубот соопшти дека сегашниот тренер Ѓорѓе Ќирковиќ ќе замине по крајот на тековната сезона а се поблизу до клупата како негов наследник е Раул Гонзалез.
- Партизан минатата сезона ја освои шампионската титула после долга хегемонија на РК Војводина која освои 10 шампионски трофеи. Црно-белите имаат идеја да направат поголем исчекор и конечно да се докажат и во Лига на шампиони. Белградскиот клуб сезонава игра во Европската лига на ЕХФ, а за следната планира да игра во Лига на шампиони со сериозен проект кој ќе му биде претставен на Раул Гонзалес.
- Шпанецот го водеше и ПСЖ со кого освојуваше трофеи во домашните турнири но не и во Европа.
- Спортски директор на РК Партизан веќе неколку години е Ренато Вугринец, некогашната ведета на Металург во Лигата на шампионите кој долги години живее во Белград.
