Фото: Epa Images
- Прво капитенот на Србија Богдан Богдановиќ, па најдобриот литвански кошаркар и лидер Јокубаитис, па одличниот германски центар Јоханес Фојтман, па Алекс Сар поради кој Франција ќе остане со само еден центар, па Естонецот Сим Сандерс и Летонците Андреј Гражулис и Артус Жагарс...
- Најмалку 7 кошаркари го завршија Европското првенство поради повреди. Селекторот на Летонија Лука Банки вели дека решението би можело да биде во плус тројца играчи во составот на секоја репрезентација односно зголемување од 12 на 15 кошаркари за секое Европско.
- Згуснатиот и напорен распоред и зголемен број на натпревари најмногу придонесува до повреди. Групната фаза почна на 27-ми август а во осум дена секоја репрезентација мора да одигра пет натпревари односно нема да има ниту два дена за одмор еден по друг.
- Поради густиот распоред и во НБА имаше пандемија на повреди па така настрадаа Демијан Лилард, Џејсон Тејтум, Тајрис Халибартон, Џејмс Вајзмен, Ајзеа Џексон, Дру Смит и други.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
