Offside › Набрзинка

Кошаркарската федерација на Македонија ги исплати заостанатите долгови кон судиите

5 мај 2025

Проблемот со долговите кон судиите и делегатите во македонската кошарка е решен, објави Кошаркарската федерација на Македонија (КФМ).
Судиите и делегатите во изминатиот период беа во бојкот и се заканија дека нема да судат сè додека не им се исплатат сите заостанати средства. Федерацијата сега ги исплатила и изрази благодарност за нивното трпение и разбирање што го имале периодов.
Ова значи дека клубовите и судиската организација ќе се посветат целосно само на натпреварите и сезоната ќе може да заврши во регуларен тек со фер и спортска завршница.

4 мај 2025

Фудбалерите на најтрофејниот македонски клуб Вардар славеа 0-2 (0-1) на гостувањето кај големиот ривал Шкупи (некогашна Слога Југомагнат) во дербито од 30. коло на Првата македонска фудбалска лига.
Со овој триумф до кој стигнаа со головите на Рожерс Мато и Мислав Матиќ, црвено-црните ја продолжија серијата без порази на дури 14 меча по ред. Вардар сега е на 6-то место а Шкупи е зад нив на седмо место со четири бода помалку. Во следното коло Вардар дома ќе игра против Струга Трим Лум.

30 април 2025

Дефанзивецот на Реал Мадрид е суспендиран 6 натпревари поради фрлање предмет кон судијата на финалето од Копа дел Реј против Барселона.
Лукас Васкез доби суспензија од два меча, додека Џуд Белингем нема да добие казна затоа што неговиот црвен картон е поништен.
Рудигер и Васкез, кои беа заменети, добија директни црвени картони поради жестоките реакции за прекршокот досуден против Килијан Мбапе кратко пред последниот свиреж.
Сите шест натпревари од суспензијата на Рудигер ќе важат за Ла Лига, што значи дека ќе биде суспендиран на последните пет натпревари оваа сезона и за првиот натпревар од сезоната 2025/2026.