Offside › Набрзинка

Конечно он-лајн продажба за натпреварите на Македонија

6 март 2025

Новото раководство на ФФМ стартува со новина со која многу доцниме во современиот фудбал, а тоа е можност за купување он-лајн билети за натпреварите на македонската фудбалска репрезентација.
Платформата се вика eticket.ffm.mk на која се бира натпревар и број на седиште, а потоа се добива дигитален билет кој на влезот треба да се покаже на телефон или во принтана верзија.
Од ФФМ известуваат дека доколку некој сака, за колекционерски потреби или слично, може да добие и билет во хартиена форма (се праќаат по пошта). Инаку билетите на влез ќе се скенираат на мобилни читачи, бидејќи скенерите на стадион не работат.
Овој системот ќе почне да функционира на првиот меч од Лига на нации против Велс, закажан за 25 март на Градски.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.