- Од 2-ри јануари 2025-та до 3-ти февруари на полноќ ќе трае она за што љубителите на италијанскиот фудбал најмногу се интересираат: калчомеркато - преодниот рок за трансфери.
- За сега се зборува дека Јувентус и Рома (го сака Распадори од Наполи) би можеле да бидат меѓу поактивните клубови на пазарот. Јуве би можел изненадно да се откаже од Бразилецот Даглас Луиз кому не му легна баш соработката со тренерот Тијаго Мота а има огромни примања несоодветни со финансиската состојба на клубот.
- Милан е заинтересиран за сјајниот италијански репрезентативец Самуеле Ричи од Торино, а конечно после х години Сасуоло би можел да остане без Доменико Берарди кој игра во втора лига Серија Б со екипата.
- Од младите таленти во италијанската Серија А вредноста најмногу им скокнала на Пјетро Комуцо (19 години, Фиорентина), Патрик Доргу (20, Лече), Кенан Јилдиз (19, Јуве), Сантијаго Кастро (20, Болоња).
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
